مواصفات موتور سي لاند 1 حصان
- القدرة 1 حصان
- اقصى رفع للمياه 48.5 متر
- اقصى تصريف 3.6 متر مكعب فى الساعة
- اقصى تحمل حرارة السوائل 40 درجة مئوية
- الموتور معزول من الداخل بمادة الكاتفورايز المانعة للصدأ
- مزود بحماية حرارية
- ريشة الرفع من الاستانلس ستيل 304
- وش التوجية من الزهر
- العمود من الاستانلس ستيل 304
- سن دخول وخروج 1 بوصه
- سهل التركيب
- 220 فولت
- 4.6 امبير
- 0,74 كيلو وات
- 2900 لفة/الدقيقة
- صنع في إيطاليا
- ضمان 5 سنوات من الوكيل ضد عيوب الصناعة
- الوزن 17.9 كيلو جرام
ملاحظات
- يعمل على مياه البلدية فقط
- يفضل تركيب فلوماك لحماية الموتور من الحرق
* يضمن موقع WaterInEgypt.com ان المنتج اصلي 100%
Ahmed Esmail (عميل موَثَّق) –
اولاً : احب اشكر فريق الدعم الفني لموقع waterinegypt في مساعدتي لاختيار الموتور المناسب وده حصل بعد ما استعلموا عن كل التفاصيل لتحديد النوع المناسب للموتور زي ( في اي دور اسكن ، عدد الشقق اللي هتستخدم الموتور ، وعدد الادوار ، وطبعا المبلغ المتوافر معايا ، وبناء علي المعلومات بيتم تحديد الموتور من المناسب ، مع العلم انه اعطاني الكثير من الاختيارات ولكن الخيار الاخير بيرجع ليك ودي بصراحة ريحتي كتير وسهلت عليا عملية الاخيار وده بسبب انهم ناس فاهمة شغلها
لما اخترت موتور SEA-LAND الدعم الفني أكد لي انه صناعة ايطالية بس الصراحة في الاول كنت مقلق بس قولت اكيد لو ايطالي هلاقي موقع للشركة وفعلا دخلت وليقت موقع وتأكدت انه موقع ايطالي من عنوان الشركة ورقم تليفوناتها والفاكس واللي بتبدأ بمفتاح دولة ايطاليا https://www.sea-land.it/it-IT/home-page.aspx وده الموقع اللي لقيته وطبعا بعد التصفح لقيت الموتور اللي انا اخترته في الصفحة دي https://www.sea-land.it/en-US/jet.aspx
وطبعا لقيت في الصفحة فيديو بيشرح مكونات الموتور وطريقة تصنيعه ،، حاجة كده محترمة بصراحة
بصراحة فرحت اني اخترت الموتور ده وكمان لحقته قبل ما سعره يزيد
اللي عجبني بقي اكتر تعليق وتقيم الفني اللي ركبه وقال نصا ( أنا اول مرة اشوف موتور بالجمال والمتانة والتقفيل الجامد ده ) ولما عرف سعره مكنش مصدق خالص السعر مقابل المنتج اللي شايفه في ايده ،، حتي وهو بيركبه كان حريص جدا في تركيبه ونقله وتحركه من كتر شده اعجابه بيه
بعد ما ركبته لقيت اختلاف في ضغط المياة ودائما المياة موجودة عكس السابق لاني عايش في قرية ريفية وبتبقي المياة ضعيفة معظم الاوقات ولكن بعد تركيب الموتور مبقتش شايل هم المياة خالص لانه قايم بدوره علي اكمل وجهة ،، انا استنيت كذا يوم قبل ما اكتب تعليقي للتأكد من كل شي علشان اللي بقوله دلوقتي شهادة حق في المنتج وفي ادارة الموقع اللي رشحتلي المنتج ده ،، وبصراحة انا بنصح اي حد يوصل لحد هنا انه ياخد الموتور ده وهو مطمن ومتأكد انه اصلي 1000%
ثانيا : للعلم انا اشتريت الموتور اون لاين ودي كانت اول تجربية ليا للشراء من خلال الانترنت وبصراحة كانت تجربة ممتازة وسعيد بيها جدا لانها كسرت كل المخاوف اللي كانت جوايا ،،
ثالثا : حابب اشكر شركة الشحن J&T Express علي سرعة توصيلها للاوردر ،، لاني عملت الاوردر الساعة 4 عصرا وتم توصيله في الساعة 12 ظهرا لليوم التالي يعني اقل من 24 ساعة الاوردر كنت مستله وسيارة الشركة كانت امام المنزل بالرغم اني عايش في قرية ريفية
بجد شكر لفرق ودعم موقع waterinegypt ،، وبشكر اللي رشحلي الموتور ده ،، وبشكر شركة الشحن اللي وصلت المنتج في اسرع وقت
Mohamed –
بعد استخدام سنه موتور ممتاز بدون صوت مع ضخ مياه ممتاز